विनोद अधिकारी चितवन,बैशाख-२३ : आशन्न स्थानीय तहको निर्वाचनमा नेकपा एमालेको तर्फबाट भरतपुर महानगरपालिका वडा नम्बर २६ को वडा अध्यक्षका उमेदवार भुपाल नाथ कँडेल यो क्षेत्रको लागि नौलो नाम होइन । करिब ३८ वर्ष अघि देखि नेकपा एमालबाटै राजनीतिको सुरुवात गरेका कँडेलले निरन्तर रुपमा १५ बर्ष भन्दा बढी गाउकमिटिको सचिवमा रहेर काम गरेका छन् । कंडेल संग पार्टीको क्षेत्रीय कमिटीमा रहेर काम गरेको समेत अनुभव रहेको छ ।
उनले सामाजिक सेवाभावलाई प्राथमिकतामा राखेकै कारण सबैमाझ परिचय बनाउन सफल भएका हुन । दिब्यनगरमा अवस्थित आदर्श मा.वि मा व्यवस्थापक अध्यक्ष समेत भएका कँडेल युवा मा बि जमान सिह प्रा.बि मा ब्यबस्थापन समितिको सदस्य रहेर काम गरेका थिए । कँडेल कालाबन्जर उपभोक्ता समितिको अध्यक्षमा रहेर समेत काम गरेका छन् । हाल जिल्ला कमिटी र प्रदेश कमिटीको सदस्यको रुपमा काम गर्दै आएका कडेल संग दिब्यनगरको इन्चार्ज भयर समेत काम गरेको अनुभब छ ।
धार्मिक, शैक्षिक क्षेत्रमा बटुलेको अनुभवले समुदायमा चिरपरिचित उनी भरतपुर २६ का वासिन्दाहरु संग नजिक रहेर काम गरेकै कारण सबैको प्रिय छन् । विशेषगरी पश्चिम चितवनका जनता माझ सजिलै भिज्न सक्ने नेताको रुपमा परिचित कँडेल आफूले चुनाव जित्नेमा विश्वस्त छन् ।