काठमाडौं,वैशाख -२४ :  आसन्न स्थानीय निर्वाचनलाई लक्षित गर्दै आफू आवद्ध भएको दललाई भोट माग्ने क्रममा कलाकारहरु पनि देखिएका छन् । ३० वैशाखको स्थानीय निर्वाचन नजिकिँदै गर्दा विभिन्न कलाकर्मीहरूले आफू नजिकका राजनीतिक दललाई सघाउने उद्देश्यले गीत संगीत तथा कमेडी सार्वजनिक गरिरहेका छन् ।

यस्तैमा चर्चित हास्यकलाकार शिवशंकर रिजाल ‘जोगिन्दर’ ले पनि नेपाली कांग्रेसलाई चुनावमा सघाउने उद्देश्यले ‘कांग्रेसमा भोट किन ?’ हास्य ब्यङ्ग्य ल्याएका छन् ।

नेपाली कांग्रेसको शुभेच्छुक संस्था नेपाल सांस्कृतिक संघका महामन्त्री समेत रहेका जोगिन्दरले रुखमा भोट हाल्न आग्रहदेखि कांग्रेसले पहिलेदेखि पछिल्लो समयसम्म गरेको कामको चर्चा समेत गरिएको छ । ७ मिनेट २२ सेकेन्डको हास्य ब्यङ्ग्यले कांग्रेसलाई चुनावमा सघाउने उद्देश्यले बनाएको बताए । ‘हामीले कांग्रेसलाई भोट हाल्ने आधारलाई भिडियो मार्फत प्रस्ट्याउने कोसिस गरेका हौँ । मैंले तयार परेको भिडियोले रुखमा नै भोट किन ? भन्ने प्रश्नको जवाफ दिन्छ’ जोगिन्दरले भने ।

उनी पछिल्लो समय टेलिभिजनमा नयाँ कमेडी सो  ‘जोगिन्दर मुखियाजी’ मार्फत चर्चामा छन् । 

https://www.youtube.com/watch?v=-W2jG6ajap0&t=1s