काठमाडौँ महानगरपालिकाका मेयरका स्वतन्त्र उम्मेदवार बालेन्द्र साह (बालेन)ले आफ्ना समर्थकलाई संयमता अपनाउन आग्रह गरेका छन्। आफ्ना समर्थकलाई भेट्न राष्ट्रिय सभागृह पुगेका उनले कसैलाई पनि गाली गलौज नगर्न आग्रह गरेका हुन्।
बालेनका समर्थकले एमालेका उम्मेदवार केशव स्थापितविरुद्ध नाराबाजी गरेपछि उनले त्यसो नगर्न आग्रह गरेका हुन्। ‘कबाट कछुवा ख खरायो, स्थापितको घमण्ड कता हरायो’ भन्दै बालेनका समर्थकले नाराबाजी गरेका थिए।
काठमाडौँको मेयरमा बालेनले अग्रता लिइरहेका छन्। उनले दोस्रो स्थानमा रहेका स्थापतिको भन्दा झण्डै दोब्बर बढी मत ल्याएका छन्।
