भगवान बुद्धको जन्मस्थल मायादेवी मन्दिर भित्रको गोप्य तस्बीर भारतीय प्रधानमन्त्री नरेंद्र मोदी गौतम बुद्ध अन्तर्राष्ट्रिय विमानस्थलको उद्घाटनको लागी आउँदा सार्वजनिक भएको छ । यस अघि संवेदनशील ठाउँ भनेर नेपाली नागरिक, भारतीय पर्यटक लगायत अन्य विदेशी पर्यटक र मीडियालाई समेत फोटो खिच्न निषेध गरिएको ठाँउमा भारतीय प्रधानमन्त्री नरेंद्र मोदीका पत्रकारले उक्त तस्बीर खिचेर नरेंद्र मोदीको अफिसियल फेसबुक पेजमार्फत सार्वजनिक भएको छ ।
यस अघि पनि भारतीय प्रधानमन्त्री नरेंद्र मोदी नेपाल भ्रमणमा आउँदा मुक्तिनाथ मन्दिर भित्रको तस्बीर सार्वजनिक भएको थियो । जून बिषयमा सामाजिक संजाल लगायत विभिन्न मीडियामा यस तस्बिरको गोपनीयताको बारेमा सरकार विरुद्ध चर्को आलोचना भएको थियो । जून ठाउँ नेपाल सरकार ले फोटो खिच्न निषेध भनेर प्रतिबन्ध लगाइरहेको थियो। त्यसैले गर्दा जब जब भारतीय मीडिया हरुले नेपालको कानून माथि ठाडो हस्तक्षेप गर्दै नेपाली गोपनियता भंग गर्दा पनि नेपाल सरकार चुपचाप बस्नुले नेपालको सार्वभौम सत्तामाथी भारतको कस्तो हस्तक्षेप छ भन्ने कुरा उदांग भएको छ ।

भैरहवामा बनेको गौतम बुद्ध अन्तर्राष्ट्रिय विमानस्थलको उद्घाटनमा आउनु भएका नरेन्द्र मोदि सङ्गै नेपालका प्रधानमन्त्री शेर बहादुर देउवा समेत उपस्थित हुनु हुन्छ । बुद्ध जयन्तिको अवसर पारेर उद्घाटन गरेको गौतम बुद्ध अन्तर्राष्ट्रिय विमानस्थलको विभिन्न पुजा आजा सहित उद्घाटनको बेला सामाजिक सन्जालमा एउटा तस्बिर निकै भाइरल भईरहेको छ । तस्बिरमा पुजा चलिरहँदा भारतीय प्रधानमन्त्री नरेन्द्र मोदि हात जोडेर मौन धारण गरि बसि रहनु भएको छ भने नेपालका प्रधानमन्त्री दुबै हात बाधेर कुनै सभा सम्मेलनमा सभापतित्व गरि बस्नु भएको जस्तो देखिन्छ ।