चितवनकाे भरतपुर महानगरकाे मेयरमा सत्ता गठबन्धनकी उम्मेदवार रेनु दाहालले एमालेका विजय सुवेदीसँगकाे मतान्तरलाई थप फराकिलाे बनाएकी छन् । २६ हजार ९५९ मतगणना हुँदा रेनुले १५८९ मतान्तरसहित शिर्ष स्थानमा छिन्। अहिले भरतपुर–६ को मतगणना जारी रहँदा उनले ९ हजार ७५८ मत पाएकी छन् ।
एमालेका सुवेदी ८ हजार १६९ मतसहित पछ्याइरहेका छन् । सत्ता गठबन्धनका बागी उम्मेदवार जगन्नाथ पौडेलले ४ हजार ४१६ मत बटुलेका छन् ।
उपमेयरमा कांग्रेसका चित्रसेन अधिकारी ११ हजार ६८५ मतका साथ अग्रता लिइरहेका छन् । राप्रपाकी हिमला गुरुङकाे खातामा ६ हजार ६७४ मत चढेकाे छ । भरतपुर–६ काे वडाध्यक्षमा कांग्रेसका कृष्णलाल श्रेष्ठ २४६३ मतसहित अगाडि छन् । एमालेका डोलनारायण अधिकारीले १९७१ मत पाएका छन् ।
