पोखरा महानगरपालिकामा एकीकृत समाजवादीले अग्रता कायमै राखेको छ। हालसम्म ४७ हजार ५६६ मतगणना हुँदा गठबन्धनबाट उम्मेदवार बनेका समाजवादीका धनराज आचार्यले १९ हजार ६१५ मत पाएका छन्।
उनलाई एमालेका कृष्ण थापा १७ हजार ५१२ मतसहित पछ्याइरहेका छन्। समाजवादीका आचार्य एमालेका थापा भन्दा २ हजार १०३ मतले अगाडि छन्।
यस्तै, उपमेयरमा एमालेका मन्जुदेवी गुरुङले २० हजार २ मत पाएकी छन्। गठबन्धनका कोपिला रानाभाटको मत १९ हजार ७७४ रहेको छ। पोखरामा कुल १ लाख ४३ हजार २२६ मत खसेको थियो।
