१३ जेठ ,चितवन

समिर चापागाईं

वर्तमान समयमा विद्यार्थिको सिकाइमा सैद्धान्तिक ज्ञान सङै प्रयोगात्मक सिकाइ पनि अत्यन्तै अपरिहार्य भएको पाइन्छ। विद्यार्थीहरुले अक्षर पढेर भन्दा पनि चित्र, प्रदर्शनी, मल्टि मिडियाबाट छिटो सिक्न सक्नेछ्न भन्ने विभिन्न रिसर्चहरुले देखाएका छ्न। त्यसकारण आजकल विद्यालयहरुले प्रयोगात्मक सिकाइलाइ अबलम्बन गरेको पाइन्छ।सामुदायिक वा निजि जुनसुकै प्रकारका विद्यालयहरुमा प्रयोगात्मक सिकाइबाट विद्यार्थिको प्रगती उच्छ भएको पाइएको छ।
विद्यार्थीहरुलाइ प्रयोगात्मक ज्ञान दिने हेतुले भरतपुरको ज्ञानदर्शन आवसिय माध्यमिक विद्यालयले आउँदो मंगलबार निर्वाचन गर्दैछ। विद्यालय प्राङ्गणमा हुने निर्वाचनको सतप्रतिशत तयारी पूरा भएको विद्यालयका अतिरिक्त क्रियाकलाप प्रमुख सन्जोग मकाजुले बताए । सम्भवतःचितवन जिल्लामा पहिलोपटक यस्तो खालको कार्यक्रम हुन लागेको मकाजुले दाबी गरे। निर्वाचनले माध्यमिक तहका विद्यार्थीलाई निर्वाचनको बारेमा बुझ्न सहज हुने मकाजुको विश्वास छ। उनका अनुसार विद्यार्थिलाई किताबी ज्ञान संगै अतिरिक्त क्रियाकलापमा पनि सरिक गराए विद्यार्थीको चौतर्फी विकास हुनेछ।

स्थापनाकाल देखि ज्ञानदर्शन विद्यालयले अतिरिक्त क्रियाकलाप र प्रयोगात्मक सिकाइमा कम्प्रमाइज नगरेको प्राचार्य मनिस घिमिरेले बताए।उनले भने,”प्रयोगात्मक सिकाइको गज्जबको नमुना हो ज्ञानदर्शन निर्वाचन। यसले विद्यार्थिमा नेतृत्वकला विकास गर्नेछ।आगामी निर्वाचनको सर्गर्मिले विद्यार्थीहरुमा स्वस्थ प्रतिस्पर्धाको बिजारोपण हुनेछ।”

के हो ज्ञानदर्शन निर्वाचन ?

चितवनको भरतपुरमा अवस्थित ज्ञानदर्शन विद्यालयले आगामी मङलबारनिर्वाचन गर्दैछ। विद्यालयको माध्यमिक तहमा रहेका करिब दुईसय विद्यार्थीहरुले विभिन्न ९ पदमा प्रतिनिधि चुन्दै छन् भने उल्लेखित पदहरुमा ३४ जनाको उम्मेदवारी परेको छ। निर्वाचनले विद्यालयमा रहेका चार वटा हाउसहरु ब्लु हाउस,येल्लो हाउस,रेड हाउस र ग्रीन हाउसका लागि कप्तान र उपकप्तान चुन्दै छ भने विद्यालयलाइनै विद्यार्थिले नेतृत्व गर्ने स्कुल कप्तान र उपकप्तान चुन्दै छ।यस्तै बिद्यालयमा संचालित जुनिएर रेडक्रसको सभापती,उपसभापती,सचिव ,कोषाध्यक्ष र सल्लाहकार पनि आगामी निर्वाचनबाट चुनिदै छन् । निर्वाचनलाई लिएर विद्यार्थी उत्साहित हुँदै आफ्नो पोल्टामा मत धेरै पार्न विद्यार्थी रिझाइरहेका छ्न । मौन अवधिको पुर्व सन्ध्यामा उम्मेदवारहरुले कक्षा कोठामा गएर सौहार्दपुर्ण तरिकाले मत मागिरहेका छ्न। उम्मेद्वार स्वयमले आकर्षक घोषणापत्र समेत तयार पारेका छन्। आउँदो मङलबार हुने निर्वाचनको मौन अबधी सोमबार १२ बजेबाट सुरु हुँदैछ। मौन अबधिको बेलामा उम्मेद्वारले प्रचार गर्न नपाउने भनिएको छ। यदि प्रचार गरेको र मत मागेको पाइएमा उक्त उम्मेदवारको उम्मेदवारी स्वत रद्द हुने भनिएको छ।
ज्ञानदर्शन निर्वाचनले कस्तो नेतृत्व चुन्दै छ त्यो त भावि दिनले बताउला तर यसले विद्यार्थीलाई प्रयोगात्मक ज्ञान भने जरुर दिनेछ।