पुर्व प्रधानमन्त्री तथा नेकपा माओवादी (नेकपा) माओवादीका अध्यक्ष पुष्पकमल दाहाल (प्रचण्ड) ले निजगढ अन्तर्राष्ट्रिय विमानस्थलको फैसला पुनरावलोकन गर्न सर्वोच्चलाई अनुरोध गरेका छन् ।
आजको प्रतिनिधिसभाको बैठकमा बोल्ने क्रममा प्रचण्डले उक्त फैसला पुनरावलोकन गर्नतर्फ लाग्नुपर्ने बताएका हुन् ।
केही ठूला परियोजनामार्फत देशको अर्थतन्त्रलाई गुणात्मकता दिने कोसिसमा छौं,’ प्रचण्डले भने, ‘त्यसअन्तर्गत ठूला जलविद्युत परियोजनाहरू र जलाशययुक्त परियोजना अघि बढाउने सरकारको योजना छ ।’ यसैगरी, निजगढमा विमानस्थल बनाउने भनेर वर्षौं समय खर्किइसकेको समेत उनको भनाइ छ ।
