सवारी चालकको प्रतिकुल स्वास्थ्यको कारण चितवन जिल्लामा समय – समयमा भई रहेका गम्भिर प्रकृतिका सवारी दुर्घटना र त्यसबाट भईरहेको जनधनको क्षतिमा कमी गराई हुन सक्ने दुर्घटनालाई न्यूनिकरण गर्ने उदेश्यले “ सामुदाय प्रहरी साझेदारी अभियान ” सम्पन्न भएको छ।
जिल्ला ट्राफिक प्रहरी कार्यालय, नारायणगढ लेडी जेसिस र नारायणगढ बसपार्क टोल विकास संस्थाको संयुक्त आयोजनामा स्थानिय स्तरमा संचालनमा रहेका यात्रुबाहक सवारी साधनका चालकलाई नि:शुल्क स्वास्थ्य परिक्षण एवं आँखा परिक्षण आज पोखरा बसपार्कमा सम्पन्न भएको छ।
पुष्पाञ्जली अस्पताल भरतपुर र भरतपुर आँखा अस्पताल भरतपुरको चिकित्सक सहित टोलीको सहयोगमा बिहान ०७:०० बजे देखी १०:०० बजे सम्म गरिएको उक्त परिक्षण कार्यक्रममा विभिन्न यातायात कम्पनी प्रा.लि. मा आवद्ध रहेका १५० जना चालकको सुगर, प्रेसर र १०५ जना चालकको आँखा जाँच गरिएको साथै उक्त कार्यक्रमको अतिथि भरतपुर महानगरपालिका वडा नं. १ का वडा अध्यक्ष केशव महर्जन लगायत उपस्थित १० जनाको टोलीले मणोपरान्त आँखादान दिने उदघोष समेत गर्नु भएको जिल्ला ट्राफिक कार्यालय चितवनले जनाएको छ।
