२१ जेठ,काठमाडौं । बहुप्रतिक्षित चलचित्र ‘प्रेम गीत ३’ नेपाल र भारतमा एकसाथ रिलिज हुने भएको छ । असोज ७ गते यो चलचित्र नेपालसँगै भारतमा पनि रिलिज हुने भएको हो ।
चलचित्रका निर्माता तथा निर्देशन सन्तोष सेनले चलचित्र ‘प्रेम गीत ३’ भारतमा हिन्दी भाषामा ‘विश्वजितम’का नामबाट रिलिज हुने बताए ।चलचित्र भारतसँगै विश्वरभर रिलिज हुनेछ ।
सन्तोषले यो चलचित्र लामो समय मुम्बइमा बसेर हिन्दी भाषामा डबिङ गराएका थिए । उक्त चलचित्र भारतका थिएटरमा पनि रिलिज गर्ने उद्धेश्यले हिन्दीमा डबिङ गराएका थिए । भारतीय चलचित्र वितरकले व्यवसायिक रुपमा नेपाली चलचित्र रिलिज गर्न लागेको यो पहिलो पटक हो ।
