चनौली , जेठ-२३: बिद्युत प्राधिकरण चनौली वितरण केन्द्र तथा भरतपुर वितरण केन्द्रले आज एक सूचना जारी गर्दै पोल भाडा समयमा  नतिर्ने संस्था को लाइन पूर्ण रुपमा काटिने जनाएको छ  |

बिगत लामो समय देखि पोल भाडा नतिर्ने बिभिन्न केवल टिभी, इन्टरनेट, टिभी लगायत पोल प्रयोग गर्ने जुनसुकै संस्थालाइ छिटो भन्दा छिटो पोल भाडा बापतको रकम तिर्न आग्रह गर्दै केन्द्रले भनेको छ : भरतपुर महानगरपालिका माडी नगरपालिका र इच्छाकमाना गाउँ पालिकाको क्षेत्रमा यस नेपाल बिद्युत प्राधिकरण भरतपुर वितरण केन्द्र र चनौली वितरण केन्द्रको विद्युतीय संरचना प्रयोग गर्ने इन्टरनेट , टेलिभिजन, केवल टिभी सेवा प्रदायकलाइ बिभिन्न मितिमा पोल भाडा बापतको रकम भुक्तानी गर्न सुचित गरिएपनि हाल सम्म पनि सम्पर्कमा समेत नआएकोले यो सूचना प्रकाशन भएको मितिले ३ दिन भित्र कार्यालयको सम्पर्कमा आइ नियमानुसार सम्झौता गर्न एबं हालसम्मको बाँकी बक्यौता रहेको भाडा रकम भुक्तानी गर्नुहुन पुन: यो सूचना प्रकाशित गरिएको छ | नियमानुसार सम्झौता नगर्ने सेवा प्रदायक संस्थाहरुको जुनसुकै स्थानमा रहेको बिद्युत लाइन जुनसुकै समयमा काट्न सकिने र यस बाट पर्न जाने परिणामको जिम्मेवारी सम्बन्धित सेवा प्रदायक संस्थानै हुने व्यहोरा समेत जानकारी गराइन्छ |

साथै , प्राधिकरणले पोल भाडा बापतको रकम नतिर्ने सेवा प्रदायकको अफिस, प्रयोग गर्ने घरको समेत बिधुत लाइन काट्न सकिने समेत जनाएको छ |