दिव्यनगर,असार-९ : पश्चिम चितवनको भरतपुर २६ दिव्यनगरमा लेखा सम्बन्धि प्रशिक्षण कार्यक्रम सुरु भएको छ । आज बाट सुरु भएको तालीम तिन दिन सम्म चल्ने छ ।
भ्रष्टाचार विरुद्ध अभियानको आयोजना र भरतपुर २६ को सहयोगमा तीन दिने लेखा सम्बन्धि प्रशिक्षण सुरु भएको हो । लेखा सम्बन्धि सामान्य जानकारी दिने र आर्थिक लापरबाही हुनबाट कम गर्नको लागी आयोजना भएको कार्यक्रमलाई वडाले आफ्नो तवरबाट सक्दो सहयोग गर्ने कार्यक्रमका प्रमुख अतिथि एवम् वडा नम्बर २६ का वडा अध्यक्ष ज्ञान प्रसाद खनालले बताउनु भएको छ ।
कार्यक्रममा भ्रष्टाचार विरुद्ध अभियान चितवनका भिम बहादुर श्रेष्ठ बिशिस्ट अतिथी रहनु भएको थियो । आर्दश मावी दिव्यनगरका प्रअ मित्रबन्धु चापागाईं, २६ नम्बर वडाका सदस्यहरु प्रकाश सुवेदी, सीता दराइ लगायतका अतिथिहरुको कार्यक्रममा सहभागीता रहेको थियो । कार्यक्रमलाइ भ्रष्टाचार विरुद्ध अभियानका सदस्य मुक्ति प्रसाद ढकालले सहजीकरण गर्नु भएको थियो ।
