भरतपुर । आइतबार बिहान ३ः४० बजेको समयमा चितवनको भरतपुर महानगरपालिका वडा नं-१० स्थित भरतपुर विमानस्थलको टावरनजिक बिजुलीको तारमा करेन्ट सर्ट भई एक्कासि लागेको आगो नियन्त्रणमा आएको छ ।
आगलागीबाट बिजुलीको तार, टेलिफोनको तार र नेटको तारमा क्षति पुगेको प्रहरीले जनाएको छ । विमानस्थलको टावरमा भने केही नभएको र आगलागीमा कुनै मानवीय क्षति नभएको प्रहरीले जनाएको छ ।
सो स्थानमा आगलागी हुनासाथ जिल्ला प्रहरी कार्यालयबाट खटिएको प्रहरी टोली र दमकलको सहयोगमा आइतबार बिहान ३ः५० बजे आगो पूर्णरुपमा नियन्त्रणमा आएको चितवन प्रहरी प्रवक्ता नरहरि अधिकारीले जनाकारी दिए ।