काठमाडौँ, असार २६-
टेकुस्थित ट्रान्सफर स्टेशनमा थुप्रिएको फोहोरमा जीवातु (जैविक तरल पदार्थ) हालेर प्लाष्टिकले छोपिएको । झरीले बञ्चरेडाँडा जाने सडक विग्रेकौ कारण काठमाडौं महानगरपालिकाले टेकुमा थुप्रिएको फोहोरमा तरल पदार्थ हालेर प्लाष्टिकले छोपेको हो ।
काठमाडौं महानगरपालिकाका मेयर बालेन्द्र शाह (बालेन) का सचिवालय सदस्य सुनिल लम्सालका अनुसार टेकुमा माघदेखिको फोहोर जम्मा भएका छन् र हाल १५० भन्दा धेरै गाडी जान सकेको छैन । जस्को कारण तरल पदार्थ हालेर प्लाष्टिकले छोपनु पर्ने माहानगरको बाध्यता भएको उनको भनाइ छ ।
हाल ३० रोपनी क्षेत्रफलमा फोहोर व्यवस्थापनमा प्रयोग हुने सवारी राख्न तथा फोहोर ट्रान्सफर गर्ने प्रयोग गरिने उनले जानकारी दिए । त्यस्तै उनको भनाइ अनुसार बाँकी क्षेत्रमा भने हरियाली बगैंचा बनाएर फोहोरबाट हुने नकारात्मक प्रभाव घटाउने महानगरको प्रयास छ ।
