भरतपुर । शान्तिनिर्माण र विकासको लागि सहकार्य फ्रि–प्याड चितवनको १६औँ साधारण सभा तथा आठौँ अधिवेशन सम्पन्न भएको छ । अधिवेशनले ओमप्रसाद लामिछानको अध्यक्षतामा सात सदस्यीय समिति गठन गरेको छ ।
समितिको उपाध्यक्षमा विष्णुप्रसाद चापागाईं, सचिवमा दीपक रेग्मी, कोषाध्यक्षमा पार्वती (बराल) पौडेल सर्वसम्मत चयन भएका छन् । सदस्यमा लक्ष्मी पराजुली, रामकुमार श्रेष्ठ, सूर्यप्रसाद पौडेल चयन भएका छन् ।
साधारण सभामा संस्थाको प्रगति प्रतिवेदन संस्थाका सचिव निरप्रसाद लामिछाने र लेखा प्रतिवेदन कोषाध्यक्ष ओमप्रसाद लामिछानेले प्रस्तुत गरेका थिए । कार्यक्रममा संस्थाका कार्यकारी निर्देशक डा शिवप्रसाद रिजालले स्वागत मन्तव्य दिएका थिए ।
संस्थाका अध्यक्ष डा निराजन भट्टराईको अध्यक्षतामा भएको कार्यक्रममा डा ऋषिराम कट्टेल, प्रमोदबाबु तिवारी, यम पौडेल, प्रकाश आचार्य, महेश्वर पोख्रेल, देनप्रसाद लामिछाने, दीपक रेग्मी, ओमकार पाण्डे, मदन घिमिरेलगायतले मन्तव्यसहितको सुझाव दिएका थिए ।
भरतपुर-१२ आस्थाटोल स्थित फ्रि–प्याडको कार्यालयमा साधारण सभा सम्पन्न भएको थियो ।
