र्याप गायनमा आधारीत रियालिटी शो नेपहपको श्रीपेचका विजेतालाई श्रीपेच मुकुट प्रदान गरिएको छ ।
मंगलबार काठमाडौं महानगरपालिकाका मेयर बालेन्द्र शाह (बालेन) ले नेपहपका विजेता साइमन विष्ट (भाइबर साइमन) लाई नेपहपको मुकुट प्रदान गरेका हुन् ।
शोका जजसमेत रहेका बालेनले पञ्चधातुबाट निर्मित मुकुट प्रदान गरेका हुन् । यसअघि ग्राण्ड फिनालेकै दिन प्रदान गरिएको मुकुट विवादमा परेपछि नयाँ निर्माण गरेर विजेतालाई प्रदान गरिएको छ ।
यसअघिको मुकुटप्रति बौद्ध धर्मगुरुहरूले आपत्ति जनाएपछि फिर्ता गरिएको थियो । कार्यक्रममा बोल्दै विजेता साइमनले नेपालको फर्स्ट र्याप रियालिटी शो जित्न पाउँदा खुसी लागेको बताए । यसअघि लगाएको मुकु६ केही विवादका कारण नयाँ प्रदान गरिएको र मुकुट पाएकोमा खुसी लागेको उनले बताए ।
अहिले प्रदान गरिएको मुकुट अन्तर्राष्ट्रिय हिपहपहरूले पनि लगाउने र यसलाई इन्टरनेटमा हेरेर डिजाइन गरिएको आयोजकले जनाएको छ ।
