चितवनमा श्रीमानले श्रीमतीको हत्या गरि आफैले आत्महत्या गरेका छन् । जिल्लाको भरतपुर महानगरपालिका वडा नं. १० रमाईलो चोकमा ३५ बर्षीया रुस्मा घिमिरे (आचार्य)को उनका श्रीमान ४३ बर्षका कृष्णप्रसाद आचार्यले खुकुरीले घाँटी रेटी हत्या गरेको जिल्ला प्रहरी कार्यालय चितवनले जनाएकाे छ ।
राति १० वजे घरमा बसेर मोबाईल हेरिरहेको समयमा पछाडीबाट श्रीमानले धारिलो हतियार प्रहार गरि उनको हत्या गरेका हुन् । उनलाई पुरानो मेडिकल कलेज लगिएकोमा राति १०:४० बजे मृत घोषणा गरिएको थियो ।श्रीमतीको हत्या लगत्तै घरको छतमा पुगी हाम फालेर भाग्ने क्रममा श्रीमान कृष्णप्रसाद आचार्यकाे पनि ज्यान गएकाे छ ।
३ तला माथी बाट हाम फाली भाग्न खोज्दा गम्भिर घाईते भई उपचारको लागी नयाँ मेडिकल लगिएकोमा निज श्रीमान कृष्ण प्रसाद आचार्यको समेत उपचारको क्रममा राति ११:०० मृत्यु भएकाे हाे । कृष्णप्रसाद केहीदिन अघिमात्र विदेशबाट फर्किएका थिए । शव पोष्टमार्टमका लागि भरतपुर अस्पातलमा राखिएको छ ।
