-विनोद अधिकारी
चितवन,१०-असार : सामाजिक संस्था सोच परिवर्तन नेपाल र मुस्कान जीवन समुहको संयुक्त आयोजनामा गुञ्जनगरमा एक दिने उद्वघोषण तथा उत्प्रेरणा मुलक कार्यक्रम सम्पन्न भएको छ ।
कार्यक्रममा बोल्दै भरतपुर १८ का वडा अध्यक्ष एवम् प्रमुख अतिथि वावुराम राना मगरले यस्ता कार्यक्रमले हरेक समुहका व्यक्तिलाइ उत्प्रेरणा दिने बताउदै यस किसिमको सामाजिक कार्यक्रममा वडाले आफ्नो तर्फबाट सक्ने सहयोग गर्ने प्रतिबद्धता व्यक्त गर्नुभयो ।
सोच परिवर्तन नेपालका अध्यक्ष शिवराज कंडेलको अध्यक्षतामा सम्पन्न कार्यक्रममा आजका प्रशिक्षक एवम् समाजसेवी अर्जुन भुषाल, यज्ञ विलास पौडेल, टुकमान गुरुङ, विमल लामा लगायतका अतिथिहरुको उपस्थिति रहेको कार्यक्रमलाई मुस्कान जीवन समुहका अध्यक्ष घनश्याम ढकालले स्वागत मन्तव्य राखेका थिए भने कार्यक्रमलाई सोच परिवर्तन नेपालकि सदस्य सुजता गौडेलले सहजीकरण गर्नुभएको थियो ।
