विनोद अधिकारी
१६, श्रावण : भरतपुर २६ स्थित सामाजिक संस्था मुस्कान लाइफ ग्रुपद्वारा लागू औषध दुर्व्यसनी आत्महत्या र घरेलुु मदिरा न्यूनीकरण सम्बन्धी जनचेतनामूलक कार्यक्रम सम्पन्न भएको छ ।
मुस्कान लाइफ ग्रुपको आयोजना एवम् भिआइपी ग्रुप, ब्राह्मण समाज र जुनेली आदर्श क्लबको सहयोगमा कार्यक्रम सम्पन्न भएको हो ।
कार्यक्रममा इलाका प्रहरी कार्यालय फुलबारीका प्रमुख हरी ओलीले प्रशिक्षण दिनुभएको थियो ।
कार्यक्रमका प्रमुख अतिथि एवम् भरतपुर २६ का वडा अध्यक्ष ज्ञान प्रसाद खनालले यस किसिमको कार्यक्रमले समाजमा सकारात्मक प्रभाव पार्ने साथै कुलतमा फसी आत्महत्या गर्ने सोच बनाएका हरुमा सुधार आउने बताउनु भयो। वडामा हुने सम्पूर्ण सामाजिक कार्यमा वडा कार्यालय सदैव तयार रहने र त्यस खालका कार्यक्रम हरुलाइ वडाले खुलेर सहयोग गर्ने प्रतिबद्धता समेत खनालले गर्नुभयो।
मुस्कान लाइफ ग्रुपका अध्यक्ष घनश्याम ढकालको अध्यक्षतामा सम्पन्न कार्यक्रममा कालिका मन्दिर व्यवस्थापन समितिका प्रतिनिधिहरु, भरतपुर २६ का जनप्रतिनिधिहरु, इलाका प्रहरी कार्यालय चनौली पर्साढाप र ज्योतिनगरका प्रतिनिधिहरु साथै अन्य अतिथिहरुको उपस्थिति रहेको कार्यक्रमलाई जुनेली युवा क्लबका अध्यक्ष देवेन्द्र शाली घिमिरेले सहजीकरण गर्नुभएको थियो ।