अखिल नेपाल स्वतन्त्र विद्यार्थी युनियनले आज (शुक्रबार) जिल्ला प्रशासन कार्यालयमै पुगेर प्रजिअ अस्मान तामाङको ध्यानाकर्षण गराउँदै ज्ञापनपत्र बुझाएको हो । जिससको स्वामित्वमा रहेको जग्गामा अनाधिकृत रुपमा संगठनले भवन निर्माण गरिरहेको पत्रमा भनिएको छ ।

जिससले पटक पटक पत्रकार गर्दा पनि अटेर गरेको तथा जिल्ला अदालतले समेत काम रोक्न दिएको आदेशको संगठनले अवहेला गरेको पत्रमा उल्लेख छ । अदालतको आदेशको समेत अवहेलना गर्दै यातायात व्यवस्था सेवा कार्यालय चितवनलाई दिईएको जग्गामा रातारात भवन निर्माण कार्य भइरहेको भन्दै अनेरास्ववियु चितवनले गम्भीर ध्यानाकर्षण जनाएको छ ।

सम्पूर्ण सार्वजनिक जग्गाको संरक्षण गर्ने दायित्व प्रशासन कार्यालयको भए पनि कार्यालय आफ्नो दायित्वबाट भागीरहेको पत्रमा भनिएको छ । एक साता भित्र भवन निर्माण कार्यमा रोक लगाउन अनेरास्ववियु चितवनको माग छ । काम नरोकिए कडा भन्दा कडा कदम चाल्न वाध्य हुने उसको चेतावनी छ । जिल्ला अदालतले काम रोक्ने आदेश दिए पनि संगठनले भवन निर्माणको काम जारी राखेको छ ।