चितवन – आउँदो मंसिर ४ गते प्रदेश र प्रतिनिधिसभा निर्वाचन हुँदैछ । निर्वाचन मिति घोषणा भएसँगै चुनावी सरगर्मी सुरु भइसकेको छ । उम्मेदवारहरुले आफ्नो उम्मेदवारी घोषणा गरिरहेका छन् ।
उम्मेदवारहरु चुनावी तयारीमा समेत जुटिसकेका छन् । यसै क्रममा चितवनको निर्वाचन क्षेत्र नम्बर २ मा नेपाली कांग्रेसबाट जितनारायण श्रेष्ठ चुनावी मैदानमा उत्रिने भएका छन् ।
उनले चितवन क्षेत्र नम्बर २ बाट प्रतिनिधिसभा निर्वाचन लड्ने तयारी थालेका छन् । ‘म पूर्ण रुपमा तयारीमा लागिसकेको छु’, उनले भने । कांग्रेस चितवनका निवर्तमान सभापति श्रेष्ठलाई बलियो उम्मेदवारको रुपमा हेरिएको छ ।
