शहिद शिव प्रसाद पौडेलको सम्झनामा फुटसल प्रतियोगिता हुने भएको छ । ईभेन्ट प्लानर चितवनको आयोजनामा फुटसल हुन लागेको हो ।
भरतपुरको गौतम चोकमा रहेको चितवन फुटसल एण्ड स्पोर्टस जोन मैदानमा भाद्र १० र ११ गते खेल हुनेछ । खेलको लागि भदौ ८ गतेसम्म टिम दर्ता गर्न सकिने कार्यक्रम संयोजक एन्जील जगं कुंवरले जानकारी दिनुभएको छ ।
खेलमा प्रथम हुनेलाई रु ५१ हजार ५ सय ५५ ट्रफी मेडल र प्रमाणपत्र, द्वित्तीय हुनेलाई रु २५ हजार ५ सय ५५ र ट्रफी मेडल र प्रमाणपत्र प्रदान गरिनेछ ।
यसैगरी उत्कृष्ट गोलकिपरलाई १५ सय, उत्कृष्ट खेलाडीलाई १५ सय र उच्च गोलकर्तालाई १५ सय पुरस्कारको व्यवस्था गरिएको संयोजक कुंवरले बताउनुभयोे । खेलको लागि टिम दर्ता शुल्क ३५०० लाग्नेछ ।
