चितवन नेपाल प्रहरी शिक्षालय र भरतपुर महानगरपालिका वडा नम्बर १० को समन्वयमा सरसफाई अभियान सुरु भएको छ । सोही अयिभान अन्र्तगत भरतपुर महानगरपालिका वडा नम्बर १० रहेको शिवालय मन्दिर लगायत महाकालेश्वर टोलमा सरसफाई कार्यक्रम सम्पन्न गरिएको छ ।

उक्त कार्यक्रममा शिक्षालयका निर्देशक प्रहरी नायव महानिरीक्षक सन्दिप भण्डारी लगायत नेपाल प्रहरी शिक्षालयमा कार्यरत प्रहरी कर्मचारीहरू र प्रशिक्षणरत प्रशिक्षार्थीहरू गरी २५० जना, भरतपुर महानगरपालिका वडा नम्बर १० का वडाध्यक्ष परमेश्वर खनाल लगायत सदस्य, महाकालेश्वर टोल विकास संस्थाका पदाधिकारीहरू, स्थानिय आमा समुह लगायत विभिन्न संघ संस्थाको सहभागीता थियो । कार्यक्रममा १० नम्बर वडाध्यक्षले नेपाल प्रहरी शिक्षालयले यस सरसफाई अभियानमा दिएको साथको प्रशंसा गर्नुहुदै आगामी दिनको लागि समेत वडाले सहयोगको अपेक्षा राखेको बताउनुभयो ।

उक्त कार्यक्रममा बोल्नुहुदै शिक्षालयका निर्देशक प्रहरी नायव महानिरीक्ष सन्दिप भण्डारीज्यूले समाजको हरेक सकारात्मक पाटोको लागि प्रहरी साथै रहेको र यस्ता कार्यक्रम सांकेतिक मात्र भएकोले आफ्नो घर, आगन, टोल आ आफ्नो स्तरबाट सबै एकजुट भएर लागेमा यस्ता अभियानले सार्थकता पाउने भएकोले यस्ता अभियानमा जोडिन सम्पूर्णमा आह्वान गर्नुभएको थियो ।