रामपुर । रगतको अभाव कम गर्न पश्चिम चितवन पत्रकार मञ्चले भरतपुर–१९ रामपुरमा गरेको रक्तदान कार्यक्रममा ४८ जनाले रक्तदान गरेका छन्। रामपुरस्थित बोधिचित्त पोलिक्लिनिक परिसरमा आयोजना गरिएको रक्तदान कार्यक्रममा १६ महिला र ३२ पुरूषले रक्तदान गरेका हुन् ।
कार्यक्रमका प्रमुख अतिथि भरतपुर महानगरपालिकाका उपमेयर चित्रसेन अधिकारीले पछिल्लो समय चितवन मेडिकल सिटीको रुपमा विकास भएको कारण पनि चितवनमा रगतको माग उच्च भएर बाहिरी जिल्लाबाट रगत ल्याउनुपर्ने बाध्यता रहेको बताए।
मञ्चका अध्यक्ष अपिल घिमिरेको सभापतित्वमा सम्पन्न कार्यक्रममा भरतपुर–१९ का वडा अध्यक्ष प्रकाश तामाङ, नेपाल रेडक्रस सोसाइटी चितवन शाखाका उपसभापति विदुर केसी,मन्त्री हरिप्रसाद पौडेल,नेपाल पत्रकार महासंघका केन्द्रीय सचिव सृजना अर्याल,नेपाल पत्रकार महासंघ चितवनका सभापति नारायण अधिकारी,मञ्चका उपाध्यक्ष अनिल भट्टराई,कार्यक्रम संयोजक रामशरण गैरे, रेडक्रस चनौली उपशाखाका सभापति ओमप्रसाद लामिछाने, संस्थाका सचिव हेमराज रिमाललगायतले मन्तव्य व्यक्त गरेका थिए ।
