काठमाडौं । रवि लामिछाने नेतृत्वको नवगठित राष्ट्रिय स्वतन्त्र पार्टी (रास्वपा)ले प्रदेश सभाको निर्वाचनमा भाग नलिने भएको छ ।पार्टी अध्यक्ष रवि लामिछानेले बुधबार एक भिडियो सन्देश मार्फत सातै प्रदेशका विभिन्न स्थानमा पुगेर जनमत बुझ्दा प्रदेश संरचानप्रति जनतामा ब्यापक असन्तुष्टि रहेको पाइएको भन्दै प्रदेश सभामा उम्मेदवारी नदिने निर्णय गरेको बताएका हुन् ।

आफूहरुले प्रदेशसभा चुनावमा भाग नलिने जानकारी निर्वाचन आयोगलाई गराईसकेको पनि लामिछानेले बताउँदै उनले आगामी मंसिरमा हुने आमचुनावमा प्रतिनिधि सभाको प्रत्यक्ष र समानुपातिकतर्फ मात्रै उम्मेदवारी दिने बताएका हुन्।

प्रदेश तहको संरचनाले राज्यकोषको दोहन मात्रै गरेको र प्रदेश सभालाई दलका दोस्रो, तेस्रा, चौथो तहका नेताको व्यवस्थापन गर्ने थलो बनाइएको भन्ने जनताको मत रहेको उनले उक्त भिडियोमार्फत बताएका छन्।