नागरिकता ऐन संशोधन विधेयक प्रतिनिधिसभाबाट बहुमतले पारित भएको छ । यसअघि नै संसदका दुवै सदनबाट पारित गरेर राष्ट्रपति समक्ष प्रमाणीकरणका लागि पठाइएको विधेयक राष्ट्रपति विद्यादेवी भण्डारीले १५ बुँदे सन्देशसहित फिर्ता पठाएकी थिइन् ।
सोही विधेयक जस्ताको तस्तै पारितका लागि बिहीबार प्रतिनिधिसभामा मत विभाजनबाट पारित भएको हो । विधेयकको पक्षमा १३५ मत परेको छ भने विपक्षमा ६० मत परेको छ । आज बैठकमा सांसद १९५ उपस्थित थिए । अब याे विधेयक राष्ट्रियसभाबाट पारित गर्नुपर्छ ।
एमालेले सो विधेयकको विपक्षमा मतदान गरेको छ । सत्तारुढ दल जनामोर्चाले पनि विपक्षमा मतदान गरेको छ । नेमकिपाका सांसदले पनि विपक्षमा मतदान गरे ।
