चितवन,भदौ १३ : नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ को चुनावी कमाण्डर रेनु दाहाल तोकिएकी छन्। आइतबार बसेको माओवादी केन्द्रको बागमती प्रदेश कमिटीको बैठकले रेनुलाई चितवन क्षेत्र नं ३ को जिम्मेवारी दिएको हो। प्रचण्ड चितवन क्षेत्र नं ३ का सांसद हुन्। मंसिर ४ मा हुने संसदीय चुनावमा उनले चितवन क्षेत्र नम्बर ३ बाट उम्मेदवार बन्ने घोषणा गरिसकेका छन्।
रेनु भरतपुर महानगरकी मेयर हुन्। प्रचण्डकी छोरी रेनु माओवादी चितवनकी इन्चार्जसमेत हुन्। भरतपुर महानगरका वडाहरू चितवन क्षेत्र नं २ र क्षेत्र नं ३ मा बाँडिएका छन्। वडा नम्बर ६, ८, ९ र १३ देखि २८ क्षेत्र नम्बर ३ पर्छन्। बैठकमा रेनुले चितवन क्षेत्र नं ३ बाट प्रचण्डको मात्रै नाम सिफारिस भएको जानकारी समेत गराएकी थिइन्।
