काठमाडौं । शिक्षामन्त्री एवं नेकपा (माओवादी केन्द्र)का नेता देवेन्द्र पौडेलले फिल्म ‘प्रकाश’ माओवादीप्रति पूर्वाग्राही भएको बताएका छन् । उनले राजनीतिक पूर्वाग्रहसहित फिल्म निर्माण गरिएको भन्दै आपत्ती पनि जनाएका छन् ।
विश्वज्योति हलमा प्रकाश फिल्म हेरेपछि प्रतिक्रिया दिँदै उनले फिल्मका कतिपय दृश्य र विम्व राजनीतिक पूर्वाग्रहसहित राखिएको आफूले बुझेको बताए ।
जनयुद्ध लडेर आएको पार्टीप्रति फिल्म लक्षित गरिएको भन्दै फिल्मले देखाएका केही दृश्यमा समेत आपत्ति जनाए । फिल्ममा कम्युनिस्ट पार्टीको झण्डा देखाइएको छ भने माओवादी युद्धको पृष्ठभूमि र बेपत्ता परिवारको प्रसंगपनि जोडिएको छ ।
यस्ता विम्वहरु राजनीतिक आस्थासँग जोडिएर प्रस्तुत भएको बताउँदै मन्त्री पौडेलले भने, ‘मैले फिल्मभन्दा शिक्षकसँग भन्दा एउटा आस्थासँग सम्बन्धित देखेँ । राजनीतिसँग सम्बन्धित । त्यहाँ प्रस्तुत भएको विम्व, झण्डा, आफै पनि शहीदको छोरा, विकृति गर्ने निर्वाचन जिताएको त्यही सम्बन्धित पार्टीबाट, त्यसको सन्देश शिक्षासँगभन्दा पनि राजनीतिसँग सम्बन्धित भएर फिल्म प्रकट भएको मलाई महसुस हुन्छ ।’
