चार दिने नेपाल भ्रमणमा रहेका चीनको राष्ट्रिय जन कंग्रेसका स्थायी समितिका अध्यक्ष ली चान्सु आज स्वदेश फर्कँदै छन् ।
सभामुख अग्निप्रसाद सापकोटाकाे निमन्त्रणामा सोमबार नेपाल आएलगत्तै उच्चस्तरीय राजनीतिक भेटवार्तामा ब्यस्त रहेका उनी आज बिहीबार स्वदेश फर्कने कार्यक्रम रहेकाे छ ।
भ्रमणको क्रममा लीले राष्ट्रपति विद्यादेवि भण्डारी, प्रधानमन्त्री शेरबहादुर देउवा, सभामुख अग्निप्रसाद सापकोटा, परराष्ट्रमन्त्री डा. नारायण खड्का र राष्ट्रिय सभाका अध्यक्ष गणेशप्रसाद तिमिल्सिनासँग भटवार्ता गरेका हुन् ।
यसका साथै उनले पूर्वप्रधानमन्त्री तथा नेकपा एमाले अध्यक्ष केपी शर्मा ओली र पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग छुट्टाछुट्टै भेटवार्ता गरेका थिए ।
सभामुख सापकोटाको निमन्त्रणमा चान्सु ६७ सदस्यीय टोलीको नेतृत्व गर्दै नेपाल भ्रमणमा आएका हुन् ।
