नेकपा माओवादी केन्द्रका अध्यक्ष पुष्पकमल दाहाल प्रचण्ड उमेदवार दर्ताका लागि गोरखा जाँदैछन् । उनी मनोनयन दर्ताका लागि नेता बाबुराम भट्टराई र नारायणकाजी श्रेष्ठ दुवैलाई लिएर गोरखातर्फ प्रस्थान गरेका हुन् ।
डा. भट्टराईले सामाजिक सञ्जालमार्फत् आफूहरु गोरखा जान लागेको जानकारी गराएका छन् । चितवन ३ बाट उम्मेदवारी दिने भनेका प्रचण्डले आज गोरखा २ बाट उमेदवारी दर्ता गराउँदैछन् ।
