निर्वाचन आयोगले चुनाव प्रचारका लागि सामाजिक सञ्जालमा गरिने खर्च पनि सीमाभित्रै रहनुपर्ने जनाएको छ। मंसिर ४ गते हुने प्रतिनिधिसभा र प्रदेशसभा चुनावका लागि मनोनयसँगै उम्मेदवारहरुले समाजिक सञ्चारबाट समेत प्रचार प्रसार थालेका छन्।
आयोगले सोमबार विज्ञप्ति जारी गर्दै सामाजिक सञ्जालबाट ‘बुष्ट/स्पोन्सर’ गर्दा गरको खर्च समेत हिसाब हुने जनाएको छ।
प्रवक्ता शालिग्राम पौडेलले भनेका छन्, ‘आयोगले राजनीतिक दल र उम्मेदवारले गर्न पाउने निर्वाचन खर्च निर्धारण गरी सार्वजनिक गरिएको अवस्थामा दल र उम्मेदवारले सामाजिक सञ्जालको प्रयोग समेतबाट गर्न विज्ञापनलाई निर्वाचन खर्चमा समावेश गरिनेबारे आयोग सम्बन्धित दल र उम्मेदवारलाई स्मरण गराउन चाहन्छ।’
