नेकपा एमालेका केन्द्रीय सदस्य बद्री न्यौपानेले पार्टी त्यागेका छन् । उनले सामाजिक सञ्जालमा एक पत्र सार्वजनिक गर्दै आजैका दिनबाट आफूले एमाले त्यागेको बताएका छन् ।
उनले आफू मधेसमा साम्प्रदायिकता मच्चाउने र भारतको इशारामा काम गर्ने उपेन्द्र यादवको पार्टीसँग एमालेले आफ्नो सिद्धान्त र विचारविपरीत गठबन्धन गरेको भन्दै आपत्ति जनाएका छन् । मधेस आन्दोलनका नाममा उपेन्द्र यादवले हिंसा मच्चाएको र सधैेँ भारतको इशारामा काम गरेको समेतको उनको आरोप छ ।
तत्कालीन चुरे भावर पार्टीका नेतासमेत रहेका न्यौपानेले उपेन्द्र यादवको पार्टी जसपासँग एमाले अध्यक्ष केपी शर्मा ओलीले चुनावी तालमेल गर्नु जनताको मागविपरीत भएको पनि बताएका छन् ।
सर्लाहीका नेता न्यौपाने आफैँ उम्मेवारका आकांक्षी थिए । तर, उनलाई ओलीले टिकट दिएनन् ।
