असोज-१३
इन्डियन प्रिमियर लिग क्रिकेट आईपीएल अन्तर्गत आज दिल्ली क्यापिटल्स र सनराईजर्स हैदरावाद भिड्दै छन् । दिल्लीको टिममा नेपाली लेग स्पिनर सन्दीप लामिछाने रहे पनि प्लेयिङ सेटमा भने पर्न असफल रहेका छन् । जारी लिगमा दिल्लीले लगातार दुई खेलमा जित निकाल्दै उत्कृष्ट सुरुवात गरेकाले पनि आजको खेलमा सन्दीपलाई खेलाउने सम्भावना कम रहेको छ । क्यारेवियन प्रिमियर लिग सीपीएलमा उत्कृष्ट प्रदर्शन गरेका सन्दीप आईपीएलमा भने टिममै पर्न सकेका छैनन् ।

दिल्लीमा स्पिनरहरुको संख्या धेरै भएकाले पनि सन्दीपलाई टिममा पर्न संघर्ष गर्नु परेको हो । दिल्ली आजको खेलमा पनि जित हात पार्दै शीर्ष स्थानमा रहने दाउमा हुने छ । यसैगरी हैदरावाद भने पहिलो जितको खोजीमा हुने छ । सनराईजर्स लगातार दुई खेलमा पराजित भएकाले हारको यात्रामा पूर्णविराम लगाउने दाउमा हुने छ ।