चितवन कार्तिक २३ : चितवनको केन्द्रिय अस्पताल भरतपुर अस्पतालले न्युट्रास्युटिकल्सको प्रेस्क्राइब गर्न बन्देज लगाएको छ । आज बुधबार अस्पतालका मेसु तथा हार्डजोर्नी विशेषज्ञ डा कृष्ण प्रसाद पौडेलले एक सुचना जारि गर्दै अस्पतालले औषधि व्यवस्था विभागमा दर्ता नभएका न्युट्रास्युटिकल्स /फुड सप्लिमेन्टहरु प्रेस्क्राइब गर्न बन्देज लगाइएकोले सोही अनुसार गर्न /गराउनुहुन जानकारी गराइन्छ भनी उल्लेख गरिएको छ।
अर्को तिर भने न्युट्रास्युटिकल्स /फुड सप्लिमेन्टहरु नेपाल सरकारको निकाय खाद्य विभागमा दर्ता भई बिक्री वितरण हुने कानुनि प्रावधान भएकाले उक्त निर्णय अपुरो रहेकोे व्यवसायीहरु बताउँछन् ।
यसरी अस्पतालले न्युट्रास्युटिकल्सको प्रेस्क्राईब गर्न बन्देज लगाएको अवस्थामा अर्को तिर भने हाडजोर्नीका बिरामिहरुले चर्को मूल्य तिरेर अस्पताल भित्र झोलामा प्रत्यारोपण (implant) गर्ने सामानहरु बोकेर आउने व्यापारीबाट सेवा लिनुपर्ने अवस्था झनै निन्दनीय रहेको सेवाग्राहीहरुले बताउँदै आएका छन् । अस्पतालले गरेको निर्णय अनुसार कुनैपनि खाद्यपुरक आहारको रुपमा बिक्रिवितरण हुँदै आइरहेको सप्लिमेन्टहरु बिक्रीवितरण गर्न पाइने छैन् ।
सामान्य, सस्तो मुल्यमा पाउने सामान अधिकतम मूल्य लिएको बिरामीको गुनासो चित्रवन खबरलाई प्राप्त भएको छ ।
