माडी । २४औं अन्तर्राष्ट्रिय आमन्त्रण माडी गोल्डकप फुटबल प्रतियोगिताको उपाधिको उपाधि सेन्ट्रल कलेज आर.एफ.सी. रामपुरले उचालेको छ।

गोल्डकपको शनिवार सम्पन्न फाइनलमा के.बि.ए. ग्लोबल बि.एफ.सी. भरतपुरलाई २–० ले पराजित गर्दै रामपुरले उपाधी चुमेको हो ।

रामपुरका लागि दोश्रो हाफमा विदेशी खेलाडी बोडे फोफोना र अमृत तमुले १÷१ गोल गरेका थिए ।

भरतपुरले माडी –११ लाई २–१ गोल अन्तरले पराजित गर्दै फाइनल प्रवेश गरेको थियो भने रामपुरले सुरुमा अफ्रिकी देश बुर्किनाफासोको म्याजेस्टिक फुटबल क्लब र सेमीफाइनलमा चित्लाङ फुटबल क्लब काठमाडौंलाई २–० गोल अन्तरले पराजित गर्दै फाइनलमा स्थान सुरक्षित गरेको थियो ।

गोल्डेन इमिनेन्ट बसन्तपुर युनाइटेड क्लबको आयोजनामा माघ ७ गतेबाट सुरु भएको प्रतियोगितामा माडीको १ टिम सहित ८ टिमको सहभागिता रहेको थियो । रामपुरले उपाधि संगै नगद ३ लाख हात पार्दा भरतपुरले भने १ लाख ५० हजारमा चित्त बुझायो । दुवै टोलीले नगद सहित ट्रफी, मेडल र प्रमाणपत्र प्राप्त गरेका छन् ।

त्यसै गरि विधागत रुपमा बेष्ट गोल किपर, डिफेन्स, मिडफिल्डलाई जनही १० हजार, सर्वाधिक गोलकर्तालाई १५ हजार, सर्वोत्कृष्ट खेलाडीलाई २० हजार, बेस्ट कोचलाई ७ हजार, नवप्रतिभाशाली खेलाडी र बेस्ट टिमलाई १२ हजार ५ सय नगद सहित सम्मानित गरिएको आयोजकको भनाइ छ ।