गंगानगर । कृषि तथा पशुपंक्षी मन्त्री ज्वाला कुमारी साहले गंगानगर दुग्ध उत्पादक सहकारी संस्थाको अवलोकन गर्नु भएको छ। शनिवार उहाँले भरतपुर २२ धनौजीमा रहेको संस्थाको गंगा ब्रह्णको उद्योगको अवलोकन गर्नु भएको हो ।

मन्त्रीलाई गंगानगर दुग्ध उत्पादक सहकारी संस्थाका अध्यक्ष कृष्णप्रसाद सापकोटाले संस्थाको विगत, वर्तमान सहित सरकारी र यस क्षेत्रका किसानको समस्या राख्नु भएको थियो । मन्त्री साहले सहकारी र यस क्षेत्रको किसानको विकासका लागि योजना बनाएर अघि बढ्न अनुरोध गर्दै मन्त्रालयले पनि आवश्यक सहयोग गर्ने आश्वासन दिनुभएको थियो । उहाँले सहारीलाई उद्योगको रुपमा विकास गर्ने सहकारीका संचालन र कृषको प्रशंसा समेत गर्नु भएको थियो ।

०४९ सालमा स्थापना भएको यस सहकारीले किसानको दुध संकलन संगै ‘गंगा’ ब्रान्डको दूध र दूधजन्य परिकारहरूको उत्पादन र बजारीकरण गर्दै आएको छ । किसानलाई दूधको उचित मूल्य दिलाउने अपेक्षासहित उद्योगका रूपमा संचालित यस सहकारीको आफ्नै नमुना पशुपालन फार्म पनि छ । सहकारीले किसान र स्रोत केन्द्रबाट गरी सहकारीमा दैनिक ६ हजारभन्दा बढी लिटर दूध उत्पादन र संकलन गर्छ । अहिले यो सहकारीमा ५ सयभन्दा बढी किसान आबद्ध छन ।

सहकारीको धनौजीको प्रधान कार्यलय बाहेक दुई वटा सेवा केन्द्रबाट समेत सेवा दिदैँ आएको छ । संकलित दूध आफैले प्रशोधन गरी दही, मोही, घिउ, पनिर, नौनी, खुवा, बटर, छुर्पी, क्रिमलगायतका विभिन्न मिठाईका उत्पादन गर्दै आएको सहकारीका व्यवस्थापक रामप्रसाद सापकोटाले बताउनु भयो । चितवन, नवलपरासी, रुपन्देही, मकवानपुर, तनहुँ, कास्की, गोर्खा, धादिङ र काठमाडौंका मुख्य बजार क्षेत्रमा गंगा ब्रान्डको उत्पादित वस्तु तथा सेवा खुद्रा तथा थोक बिक्री हुने गरेको छ। मन्त्रीलाई सहकारीको परिसरमा सहकारी संचालन समिति सहित किसान र कर्मचारीहरूले स्वागत गरेका थिए ।