भरतपुर । भरतपुर महानगरपालिकाले एक सय दुई जना नयाँ मेलमिलाप कर्ताहरुलाइ तालीम द्वारा दीक्षित गराएको छ। विभिन्न दुई चरणमा गरि एक सय दुई जना नयाँ मेलमिलाप कर्ताहरुलाइ तालीम द्वारा दीक्षित गराइएको हो । न्याय सम्पादनमा एकरुपता ल्याउने उद्देश्यले भरतपुर महानगरपालिकाले प्रथम चरणको तालिम माघ ९ गते देखि १६ गते सम्म र दोस्रो चरणको तालिम १७ गते देखि २४ गते सम्म दिइएको जनाएको छ । भरतपुर महानगरपालिकाले २९ वटै वडाबाट छनौट भएर आएका नयाँ मेलमिलाप कर्ताहरुलाइ तालिम द्वारा दीक्षित गराएको हो ।

महानगरपालिकाले सुशासन तथा बिकास प्रतिस्ठान काठमाडौको प्राबिधिक सहयोगमा दुई चरणमा गरि माघ ९ गते देखि २४ गते सम्म १६ दिवसीय (९६ घण्टे) आधारभूत तालिमको आयोजना गरेको हो । तालीम समापन कार्यक्रममा बोल्दै नगर उप प्रमुख चित्रसेन अधिकारीले अन्यायमा परेका सबै नागरिकले न्याय पाउने गरि १ सय २ जनालाइ तालीम द्वारा दीक्षित गराइएको बताय। न्याय सम्पादनको क्षेत्रमा उदाहरणीय काम गर्ने उद्देश्यका साथ भरतपुर महानगरपालिकाले नयाँ मेलमिलाप कर्ताहरुलाइ आधारभुत तालिम प्रदान गरेको उप प्रमुखको भनाइ छ ।