आईसीसी विश्वकप लिग–२ अन्तर्गत नेपालले स्कटल्यान्डविरुद्ध पाँच विकेट लिएको छ। नेपाली क्रिकेटर सन्दीप लामिछानेले ४ र कुशल मल्लले एक विकेट लिएका हुन्।
कीर्तिपुरस्थित त्रिवि क्रिकेट मैदानमा घरेलु टोलीले टस जितेर फिल्डिङ रोजेपछि ब्याटिङ गरिरहेको स्कटल्यान्डले २३ ओभरको समाप्तिमा ५ विकेटको क्षतिमा १२४ रन बनाएको छ।
टस हारेर पहिले ब्याटिङ गरेको स्कटल्यान्डले २३ ओभरमा ५ विकेट गुमाउँदा १२४ रन जोडेको छ। नेपाली टिममा तीव्र गतिका बलर गुल्झन झाको स्थानमा ललितनारायण राजवंशीलाई भित्र्याइएको छ।
लिग–२ मा नेपाल २७ खेलबाट २४ अंक जोड्दै छैटौं स्थानमा छ। बाँकी ९ खेल खेल्नुअघि नेपाललाई लिग–२ को शीर्ष तीनमा पारेर विश्वकप छनोटमा पुग्नुपर्ने चुनौती छ।
सिरिजमा यसअघि नेपालले लगातार तीन खेलमा जित हात पारेको थियो। नामिबियाविरुद्ध दुवै खेलमा नेपालले जित हात पारेको थियो। नेपालले स्कटल्यान्डलाई हराएको थियो।
