चितवन, फागुन २० : स्वतन्त्र विद्यार्थी युनियन (स्ववियु) चुनावको मुखमा नेपाली कांग्रेस निकटको नेपाल विद्यार्थी संघ चितवन चितवनको अध्यक्षमा राजेश भुसाल मनोनित भएका छन् ।

नेविसंघ चितवनका पूर्व अध्यक्ष सूर्य ढकालले आफु कांग्रेस कांग्रेस चितवनको सचिवमा चुनाव लड्ने भएपछि नेविसंघको कार्यबहाक अध्यक्ष राजन दाहाललाई दिएका थिए । दाहालसहित १० जना विद्यार्थी नेताले शुक्रबार संयुक्त रुपमा विज्ञप्ति जारी गरी केन्द्रबाट जिल्ला अध्यक्ष मनोनयन गरेको कुराको विरोध जनाएका हुन् ।

‘नेविसंघको विधि, विधान, मर्म एवम् भावना विपरित कुनै अमुक व्यक्तिको नाममा नेविसंघ केन्द्रको हवला दिँदै जिल्ला अध्यक्षको जिम्मेवारी दिएको भन्ने कुरा सामाजिक सञ्जाल मार्फत प्रचार–प्रसार भएकोमा हाम्रो गम्भिर ध्यानाकर्षण छ र उक्त कार्यको हामी घोर विरोध, निन्दा एवम् भत्र्सना गर्दछौँ’, जारी विज्ञप्तिमा भनिएको छ ।

आजका मितिसम्म नेविसंघ चितवनको नयाँ अध्यक्ष कोहि नभएको र नेविसंघलाई अगाडि बढाउने विषयमा वृहत विद्यार्थी भेला मार्फत निर्णय गरिने उनीहरुले बताएका छन् । साथै भ्रामक कुराको पछाडि नलागी चैत ५ गते हुन लागेको स्ववियु निर्वाचनमा आफ्नो उमेदवारलाई विजयी गराउन सक्रिय रुपले लाग्न पनि आग्रह गरिएको छ ।

संस्थापन इतरको विज्ञप्ति