भरतपुर । नेकपा एमालेका पोलिटब्युरो सदस्य एवम् पूर्व सञ्चारमन्त्री गोकुल बास्कोटाले नेकपा माओवादी (केन्द्र)का अध्यक्ष पुष्पकमल दाहाल(प्रचण्ड) रंग बदल्न सिपालु भएको बताएका छन् ।
नेकपा (एमाले) भरतपुर नगर कमिटिद्वारा शनिबार आयोजित नगर कमिटिको विस्तारित बैठकमा प्रमुख अतिथिपोलिटब्यूरो सदस्य बास्कोटाले काँग्रेसका पछि लागेर कम्युनिष्ट पार्टीहरुले समाजबाद ल्याउने नारा काशि जाने कुत्तिको बाटो भएको बताय ।
पोलिटब्युरो सदस्य बास्कोटाले भने–‘प्रचण्ड र माधव नेपालले कम्युनिष्ट आन्दोलनको विर्सजन गरेका छन् । पार्टी फुटाँउदा लगेको सिट समेत गुमाएर गठवन्धन गरेकाले नेकपा एस र माओवादी केन्द्रले कम्युनिष्ट पार्टी ठुलो बनाउन नभई विर्सजन गर्ने बाटोमा लागेका छन् ।’
एमालेको ग्रासरुट अभियानका क्रममा भरतपुरको कृष्णपुरस्थित एमाले पार्टी कार्यालयको सभाहलमा नगर कमिटिको विस्तारित बैठक सम्पन्न भएको हो ।
पार्टीलाइ तल्लो तहसम्मै सुदृढकरण, संगठन निर्माण, सदस्यता नवीकरण र छलफल प्रशिक्षणका लागि एमालेले देशैभर ग्रासरुट अभियान चलाउने क्रममा भरतपुरमा सो कार्यक्रम सञ्चालन भएको एमाले भरतपुर नगर अध्यक्ष शंकर थपलियाले बताय ।
कार्यक्रममा प्रमुख अतिथि बास्कोटा सहित,एमालेका केन्द्रीय सल्लाहाकार हरी सापकोटा एमाले चितवनका अध्यक्ष रामप्रसाद न्यौपाने, उपाध्यक्ष कमल पाठक लगायतले आफ्नो मन्तब्य राखेका थिय ।
