चनाैली । भरतपुर–२० चनाैली  स्थित जेनिथ इंगलिस वाेडिङ्ग स्कुलका विद्यार्थीहरुलाई बैंक तथा वित्तीय संस्था र डिजिटल बैंकिङसम्बन्धी साक्षरता तालिम सञ्चालन गरिएको छ । सिन्धु विकास बैंक लिमिटेड चनौली शाखाको आयोजनामा विद्यार्थीलाई लक्षित गरी उक्त साक्षरता तालिम सञ्चालन गरिएको हो ।

विद्यालयमा अध्ययनरत  विद्यार्थीहरुलाई आधुनिक डिजिटल प्रविधिको युगमा यसलाई कसरी सुरक्षित र भरपर्दो तरिकाले प्रयोग गर्ने भन्ने विषयमा जानकारी दिइएको थियो । सिन्धु विकास बैंक लिमिटेड चनौली शाखाका कर्जा अधिकृत सचित शर्मा पौडेलले बैंकले डिजिटल माध्यमबाट प्रदान गर्दै आएका सेवासुविधाहरुलाई कसरी प्रयोग गर्ने भन्नेबारेमा सिकाएका थिए ।

उनले क्युआर सेवा, इन्टरनेट बैंकिङ, मोबाइल बैंकिङ, डेबिट कार्ड, क्रेडिट कार्डसम्बन्धी विभिन्न जानकारी दिएका थिए । उनले वित्तीय साक्षरता समाजका सबै तह र तप्काका मानिसलाई आवश्यक रहेको भन्दै विद्यार्थीलाई बैंक खाता खोल्न र बचत संस्कारको सुरूवात गर्न प्रोत्साहन गरे ।

वित्तीय साक्षरताको अभावमा मानिसहरुले असुरक्षित आर्थिक कारोबार गर्न नपरोस्, बैंक तथा वित्तीय क्षेत्रमा सम्पूर्ण व्यक्तिहरुको पहुँच पुगोस्, डिजिटल कारोबारका बारेमा व्यक्तिहरु अभ्यस्त बनून्, आफ्नो व्यावसायिक योजनालाई बैंकको सहायताले बढाउन सकियोस् र त्यसले व्यक्तिहरुको आर्थिक आर्जन बढाई उनीहरुको जीवनस्तर पनि बढाउन सकियोस् भन्ने उद्देश्यका साथ वित्तीय साक्षरता कार्यक्रम गरिएको सिन्धु विकास बैंक लिमिटेड चनौली शाखा प्रमुख सुदीप घिमिरेले बताए ।

डिजिटल बैंकिङले ग्राहकहरुको दैनिकी एवं जीवनशैलीमा बैंकलाई प्रविधिबाट सम्बन्ध जोड्ने जेनिथ इंगलिस वाेडिङ्ग स्कुलका प्राचार्य बिष्णुप्रसाद अधिकारी वताउछन। यस डिजिटल युगले सबैकुरा सहज बनाइदिएको छ, हामी जुनसुकै स्थानमा गएर डेबिट कार्डद्धारा नगद बिना नै कुनै पनि वस्तु तथा सेवाको उपभोग गर्न सक्छौ । जसबाट नगद बोक्न हुने झन्झट, हराउने, चोरी हुने जोखिमबाट बच्न सकिने उनकाे भनाइ छ ।उक्त कार्यक्रममा विद्यालयका ३० जना विद्यार्थीहरुको सहभागिता रहेको थियो ।