चनौली , फाल्गुन २९ : स्ववियु निर्वाचनको उम्मेदवार दर्ता गर्ने दिन आज ( फाल्गुन २९ ) भरतपुर -२६ मा रहेको उमा-बडी आदर्श शेरचन कलेजमा अज्ञात समुह द्वारा बम जस्तो देखिने संकास्पद बस्तु राखेका छन् |

आज सोमबार बिहान कलेज पुगेका बिद्यार्थी प्राध्यापकहरुले संकास्पदवस्तु देखेपछि प्रहरीलाई खबर गरेका थिए ।

जिल्ला प्रहरी कार्यालय चितवनका प्रवक्ता डिएसपी विजयराज पण्डितले संकास्पद वस्तु प्रहरीको घेरामा रहेको र हाल नेपाली सेनाको बम डिस्पोजल टोलीले डिस्पोज गर्दै गरेको जानकारी दिए ।

प्राध्यापक तथा स्ववियु निर्वाचनका निर्वाचन अधिकृत नवराज पौडेलले आज स्ववियु निर्वाचनको लागि मनोनयन दर्ताको कार्यतालिका रहेको चित्रवन खबरलाइ जानकारी दिए ।
उनले स्थानीयमा पनि त्रास फैलिएको जानकारी दिए । कलेजमा हिजोदेखि अनेरास्ववियुले तालाबन्दी समेत गरेको छ ।

निवार्चन अधिकृत पौडेलले आज १० बजेसम्म सबै परस्थिति सामान्य नभए स्ववियुको समयतालिका फेर्नुपर्ने अवस्था आउने बाताए ।