काठमाडौंः सामाजिक कार्यमा सक्रिय फेसबुक समूह मेन्स रुम रिलोडेड (एमआरआर) दाह्री ग्याङका सदस्यहरु नेपाल र यूएईको क्रिकेट खेल हेर्न पञ्चेबाजा सहित काठमाडौं आउने तयारी गरेका छन् । उपत्यका बाहिरबाट सयौको सङ्ख्यामा बस रिजर्भ गरेर काठमाडौं आउने तयारी गरेका हुन ।
सो समूहका सदस्य सुजन पाण्डेले एकुरेट खबरलाई दिएको जानकारी अनुसार २ चैत्रमा किर्तिपुर स्थित क्रिकेट मैदानमा हुने अन्तिम खेल हेर्न आउन सदस्यहरुले तयारी तिब्र बनाएका छन् । सो समूहका सदस्यहरुले नेपाली मौलिकता बोकेको बाजा सहित मैदानमा नेपाली क्रिकेट टीमलाई हौसला दिन लागेका हुन् । उनीहरु नेपालको झण्डा र ब्यानर सहित मैदानमा आउने तयारी गरिरेहका छन् ।
