चितवन, चैत १ : उच्च शिक्षा अध्ययनका लागि विदेश जान चाहने विद्यार्थीहरुलाई मध्यनजर गर्दै एक्सपर्ट एजुकेशन एण्ड भिजा सर्भिसेस, चितवनले आज (बुधबार) ‘एक्सपर्ट एडमिसन डे’ कार्यक्रम भव्य रुपमा सम्पन्न गरेको छ ।
एक्सपर्टको आफ्नै भवन भरतपुर–१० (होटेल रोयल सेन्चुरी)को पछाडी भएको एक दिने ‘एक्सपर्ट एडमिसन डे’ विद्यार्थी तथा अभिभावकहरुको उल्लेखीय सहभागिता रहेको थियो । अष्ट्रेलिया, क्यानडा, युके, अमेरिका र न्यूजिल्याण्ड अध्ययन गर्न चाहने विद्यार्थी तथा अभिभावकहरु कार्यक्रममा सहभागि भएका थिए । उनीहरुले पाँच देशका ४७ वटा कलेज तथा विश्वविद्यालयका प्रतिनिधिहरुसंग प्रत्यक्ष रुपमा परामर्श लिन पाएका थिए ।
यस एडमिसन डेमा कलेज तथा विश्वविद्यालयका प्रतिनिधिहरुबाट प्रत्यक्ष रुपमा विद्यार्थी तथा अभिभावकले त्यहाँको शिक्षा प्रणाली र आवश्यक योग्यताको बारेमा परामर्श लिन पाएको एक्सपर्ट चितवनका निर्देशक डिल्लीराम अधिकारीले बताए । ‘विद्यार्थी तथा अभिभावकहरुले आफैले कलेजका प्रतिनिधिहरुसंग सबै खाले जिज्ञासा राख्न पाएका छन्, यसले उनीहरुमा थप हौसला मिल्नुको साथै ख्याल गर्नुपर्ने कुराहरुमा सजग बनाएको छ’–निर्देशक अधिकारीले भने ।
सहभागिहरुलाई हातखाली नजाने उपहारको समेत व्यवस्था गरिएको थियो । उनीहरुलाई पावर व्याङक, टिसर्टलगायतका उपहार प्रदान गरिएको थियो । नेपालमा पछिल्लो समय अष्ट्रेलियासंगै क्यानडा, युके, न्यूजिल्याण्ड र अमेरिका अध्ययन गर्न जाने क्रम बढ्दो छ । कार्यक्रम बिहान १० बजेदेखि अपरान्ह ४ बजेसम्म चलेको थियो ।
