शारदानगर । भरतपुर महानगरपालिकाकी प्रमुख रेणु दाहालले पर्यटन क्षेत्रमा सहकारी संस्थामार्फत धेरै काम गर्न सकिने वताएकी छन।
६६औँ राष्ट्रिय सहकारी दिवसको अवसर पारेर भरतपुर १९ शारदानगरमा आयोजित कार्यक्रममा बोल्दै प्रमुख दाहालले आन्तरिक पर्यटन प्रवद्र्धनमा सहकारीले प्रत्यक्ष अप्रत्यक्ष रुपमा भूमिका खेल्दै आएको वताइन।
‘सहकारी क्षेत्रले पर्यटनलाई आर्कषण गर्ने खालको काम गर्न सक्दछन’, प्रमुख दाहालले भनिन ।
बहुउद्देश्यीय सहकारीहरुले पर्यटन प्रर्वद्धनमा टेवा पुग्ने खालको काम गर्न सकेमा आन्तरिक पर्यटन प्रवद्र्धनमा आधारित व्यवसाय सञ्चालन गर्ने एउटा अवसर पनि हुन सक्ने उनको भनाइ छ ।
सहकारी क्षेत्रले होमस्टे सञ्चालन गर्न सक्दछ भने त्यस्तै होटल, रेष्टुरेन्ट, खाजा घर, सुविधा सम्पन्न तालिम हल पनि सहकारीले सञ्चालन गर्न सकिने उनको भनाइ थियो ।
कार्यक्रममा सहकारीका एकमात्र जिवित सस्थापक सदस्य इन्द्रसिह गुरूङ, तत्कालिन शारदानगर गाविसमा ५ र्काकाल अध्यक्ष बनेका आशबाहादुर लामा र राष्ट्रिय सहकारी बैङ्क सञ्चालक समितिका सदस्य तारा गुरूङलाइ सम्मान गरीएको थियो।
कार्यक्रममा सहकारीका सल्लाहाकार हरीलाल सापकोटाले कार्यपत्र प्रश्तुत गरेका थिए भने सस्थाका संयोजक तोपमान सिहँ गुरूङ,सम्मानित सहकारी कर्मि तारा गुरूङ, चनौली शित भण्डारका अध्यक्ष सुर्यमणी पौडेल । सस्थाकी उपाध्यक्ष देवी थापा ,सदस्य सोमप्रसाद भण्डारी लगायतले मन्तव्य व्यक्त गरेका थिए।
‘सहकारीको दिगोपनाःस्व–नियमन र सुशासन’ भन्ने मूल नाराका साथ सोमबार विविध कार्यक्रमका साथ ६६औँ राष्ट्रिय सहकारी दिवस मनाइँदैछ । विसं २०१३ साल चैत्र २० गते चितवन जिल्लाको शारदानगरमा नेपालमै पहिलोचोटि सहकारी संस्थाको स्थापना भएको थियो । बखान ऋण सहकारीको नामले परिचित रहेको उक्त संस्था स्थापित गर्नमा सहकारीका पिता भनेर पनि चिनिने बखानसिंह गुरूङको अहं भूमिका रहेको मानिन्छ । त्यसै दिनलाई स्मरण गरेर सोमबार देशव्यापीरुपमा नै राष्ट्रिय सहकारी दिवस मनाइएकोहो ।
