नेपाली कांग्रेसले तनहुँ, बारा र चितवनमा कारबाही गरेको नेता कार्यकर्तामाथिको कारबाही फिर्ता गरेको छ ।
२०७४ साल र २०७९ सालको स्थानीय तह, प्रदेशसभा र प्रतिनिधिसभा सदस्यको चुनावमा बागी उम्मेदवार र प्रस्तावक समर्थकलाई गरिएको कारबाही फिर्ता लिइएको केन्द्रीय अनुशासन समिति संयोजक आनन्द ढुंगानाले जारी गरेको विज्ञप्तिमा जनाइएको छ ।
चितवन- २, बारा- २ र तनहुँ- १ मा उपचुनाव हुँदैछ । ती चुनावमा पार्टीभित्रको असन्तुष्टिले परिणाममा असर गर्ने भएकाले कांग्रेसले कारबाही फिर्ता लिएको हो ।
तनहुँ १ मा कांग्रेसका गोविन्द भट्टराई, चितवन २ मा कांग्रेसकै जीतनारायण श्रेष्ठ र बारा २ मा गठबन्धनका उम्मेदवार छन् ।
