बालाराम शेर्पाली / रुकुम पूर्व :
रुकुम पुर्वकाे भूमे गाउँपालिकामा मौरी पालक कृर्षकलाई मौरीको घार वितरण गरिएको छ । गाउँपालिकामा महको उत्पादन बढाउन तथा किसानहरुलाई आत्मनिर्भर गराउने उदेश्यका साथ भूमेगाउँपालिकाको कृषि शाखाले कृर्षकलाई मौरीको घार वितरण गरेको छ ।
मौरीपाल्ने कृषकहरु बड्दै गएका कारण अहिले गाउपालिकाको चालु आर्थिक बर्ष ०७९ / ०८० को स्वईकृत बजेट अनुसार कृर्षी शाखाले भूमेगाउँपालिका भित्र रहेका ९ वट्टै वडाका मौरीपालक कृर्षकलाई ८६ वटा मौरीको घार वितरण गरिएको गाउँपालिकाको कृर्षी शाखाका ना प्र स बिशाल बुढाले जानकारि दिनुभएको छ । ८६ वटा मौरीका घार सहित चक्कु मह कार्दा लगाउने जाली वितरण गरिएको बुढाले बताउनुभएको छ ।
भूमे गाउँपालिका का सबै वडाहरुका कृषकहरुले मौरीघार पाए पछि किसानहले स्थानिय सरकारले यसरी किसानहरुलाई प्रोत्साहित गर्नाले किसानहरुले गरेको कामहरुको मल्याङ्कन भएको बताएका छन । मौरीपालन व्यवसायबाट राम्रो आम्दानी हुन थालेपछि मौरीपालन सुरु गरिएको भूमे गाउँपालिका वडा नम्बर ३ का कृषक भागिमान पुनले बताउनुभएको छ । उहाले भन्नु भयो ‘मौरीपालनबाट फाइदा हुने रैछ यसरी व्यावसायिक रूपमा मौरी पाल्दा राम्रो आम्दानी गर्न सकिन्छ ।’
भूमे गाउँपालिकामा मौरीपालक कृषकले क्षेत्र विस्तार गर्दै लगेका छन । अहिले भूमे गाउँपालिकामा मौरीपालक कृषकहरु बर्दै गएको भूमे गाउँपालिका अध्यक्ष होम प्रकाश श्रेष्ठ ले बताउनुभएको छ । गाउँपालिका बाट मौरीको घार पाए पछी कृर्षकहरु पनि खुसी भएका हुन ।
