गणेश सिर्पली / रुकुम पूर्व
२०८० जेठ ३१ गते, बुधबार
आफ्नो अवस्थाका कारण केहि दिन अघि रूकुम पुर्ब पुथाउत्तरगंगा गाउँपालिकाको पेल्मा पुलमा भाइरल बनेका एक असहाय बृद्धलाई सहयोग गरिएको छ ।
पुथा उत्तरगंगा गाउँपालिका वडानम्बर २ पेल्माका पोहोरा पुनलाई बेलायत बस्दै आउनुभएका नेमबहादुर थापाले ५ हजार सहयोग गर्नुभएको थियो । उक्त रकमबाट असहाय बृद्धको चाहानाबमोजिम चामल, कुखुरा लगायतका सामग्री किनेर हस्तान्तरण गरिएको हो । सहयोग सामग्री पाएपछि पोहोरा पुनले खुशी ब्यक्त गर्नुभयो ।
गाउँपालिका उपाध्यक्ष भुपेन्द्रा बुढा मगरले बृद्धअबस्था र अपाङ्गताका कारण हिडडुल गर्न नसक्ने पोहोरा पुनका लागि सहयोगको याचना गर्नुभएको थियो ।
सहयोग अपिलको सूचना पाएका नेमबहादुर थापाले सहयोग गरेको रकमबाट खानाका लागि अत्यावश्यक सामग्री दिइएको वडाध्यक्ष जसबहादुर सिर्पालीले बताउनुभयो ।
यसअघि आफुले कपडा सहयोग गरेको र थप सहयोगका लागि समेत पहल गर्ने उपाध्यक्ष बुढाको भनाइ छ ।।
