भरतपुर । हानामी अन्तर विद्यालय फुटबल कपको उपाधि वाल्मीकि शिक्षा सदनले जितेको छ ।
=भरतपुर १० स्थित गेष्ट हाउस चौरमा आज (शनिबार) सम्पन्न फाइनलमा ब्राइटस्टारलाई २-० ले पाखा लगाउँदै वाल्मीकि च्याम्पियन बनेको हो । वाल्मीकिलाई विजेता बनाउन दुबै गोल कप्तान विवेक शाहीले गरे । कप्तान शाहीले पहिलो हाफको अतिरिक्त समयमा एलेक्शको कर्नर किकमा पहिलो गोल प्रहार गर्दै १-० को अग्रता दिलाएका थिए। दोस्रो हाफमा विवेकले व्यक्तिगत दोस्रो गोल गर्दै वाल्मीकिलाई २-० को अग्रता दिलाए। यसपटक उनले फ्रीकिकमा सुन्दर गोल गरे । ब्राइटस्टारले भने खेलमा पाएको मौका सदुपयोग गर्न नसक्दा हार टार्न सकेन ।
जेष्ठ २४ देखी असार २ गतेसम्म चलेको प्रतियोगितामा विजेता बनेको वाल्मीकिले २० हजार नगद रुपैया सहित मेडल, ट्रफी र सर्टिफिकेट प्राप्त गरेको छ । यस्तै उपविजेता बनेको ब्राइटस्टारले नगद रू १० हजारसहित ट्रफी , मेडल र सर्टिफिकेट प्राप्त गरेको छ । विधागत उत्कृष्टमा पनि वाल्मीकि हाबी भयो । वाल्मिकीका कप्तान विवेक शाही प्रतियोगिताभरको उत्कृष्ट खेलाडी घोषित भए भने उत्कृष्ट डीफ़ेन्स, उत्कृष्ट कीपर को उपाधीपनी वाल्मीकिका खिलाड़ी द्वयले हात पारे।
