चनौली , साउन १६ : भरतपुर महानगरपालिका वडा नम्बर २० मा राष्ट्रिय स्वतन्त्र पार्टीले संगठन विस्तारलाई पूर्ण रुप दिएको छ । पार्टीको बिस्तारित भेला मार्फत चुडामणि पौडेलको नेतृत्वमा ११ सदस्य सहितको वडा कमिटि गठन भएको हो ।
त्यसै गरी वडा कमिटिको उपसभापतिमा जुनिमाया तामांग र सचिवमा राजु पौडेल लाइ चयन गरिएको छ । हरेक क्षेत्र तथा वर्ग समाबेश गरिएको उक्त कमिटिमा दलित महिला सदस्य पार्वती दर्जी , दलित पुरुष सदस्य पवन गजमेर , महिला सदस्यहरु धन कुमारी क्षेत्री र सुनिता बास्तोला काफ्ले र अन्य सदस्यहरुमा अनन्त दुवाडी , अच्युत अधिकारी र शनिश्चर महतो रहेका छन् ।
यो कमिटि करिब ५० जना प्रमाणित सदस्य सम्मिलित भेलाले सर्वसम्मत रुपमा चयन गरेको हो ।
पार्टीका बागमती प्रदेश महामन्त्री जिता बराल सहित जिल्ला तथा महानगर समितिमा रहेका विभिन्न नेता सहितको उपस्थितिमा वडा कमिटि गठन भएको हो ।
सर्वसमत रुपमा कमिटि बनेसंगै वडा सभापति पौडेलले ईमान्दार भएर जनताको हितमा संगठनले काम गर्ने बताएका छन् । भेलामा भरतपुर २० का स्थानियहरुको उपस्थिति रहेको थियो ।
गत मंसिरको संसदीय निर्वाचनमा अप्रत्याशित मत पाएको संसद्को चौथो ठूलो दल राष्ट्रिय स्वतन्त्र पार्टी संगठन विस्तारको आक्रामक अभियानमा जुटेको छ । निर्वाचनमा प्राप्त मतलाई संगठनमा ढाल्ने र आगामी निर्वाचनका लागि तयारी गर्ने योजनासहित रास्वपा पार्टी बलियो बनाउने रणनीतिमा छ ।
